පෞද්ගලික බස් රථ සියයට 50 ක් අද ධාවනයට

පෞද්ගලික බස්රථවලින් සියයට 50 ක් පමණ අද දිනයේ ධාවනයට එක්වනු ඇතැයි ලංකා පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා පවසයි.

මේ වන විට පෞද්ගලික බස්රථ වලින් සියයට 75 කට පමණ ඉන්ධන ලැබී තිබේ. ලංකා ගමනාගමන මණ්ඩලයේ ඩිපෝ වෙතින් එම බස්රථ සදහා ඉන්ධන ලබා දීම සිදු කෙරේ. ඒ අනුව ඉදිරි දිනවලදී සියලුම බස් රථ ධාවනය කිරීමේ හැකියාව ලැබෙනු ඇත. කාර්යාල සේවා බස් රථ ධාවනය ද සිදු කිරීමට හැකිවන අතර පාසල් ළමුන් සඳහා විශේෂ වට්ටමක් ලබා දීමට අපේක්ෂා කරන බවද විජේරත්න මහතා පවසයි.